05/07/19

FALECEU LUIS CARLOS MARTINEZ

Temos que comunicar a triste nova do falecemento do xogador mais veterán do noso Club e que participou na súa fundación.


Luis Carlos Martínez Ramos faleceu con 80 anos.

Dende a creación do CIDU en 1994 Luis Carlos Martínez foi unha das súas caras mais coñecidas, e participou en numerosos campionatos de España representando á Universidade da Coruña.


Profesor na Escola de Empresariais o seu paso pola subdirección dese centro foi a principal causa de que o xadrez universitario empezara a contar cun espazo no edificio da escola, mantido despois do traslado da mesma e a conversión en Centro Universitario de Riazor.

Se hoxe o CIDU conta con ese espazo como se se debe, en boa medida, á decisións tomadas por Luis Carlos.

Aínda que nos últimos tempos a súa súde decaera moito aínda non hai tanto que acudiu a unha proxección sobre o seu compañeiro no equipo de xadrez do Deportivo, Domingos Merino, exalcalde da cidade.

Queda suspendido o torneo previsto para hoxe no CUR.

Este sábado día 6 ás 11,00 en Pompas Fúnebres ou 11,30 no  no cemiterio de San Amaro.

DEP

Ligazon a obituario na Voz de Galicia.